1. ვინ ვართ და რას ეხება ეს პოლიტიკა

ვეტმენს მართავს შპს ტელვო (საიდენტიფიკაციო კოდი 205218334). პერსონალურ მონაცემებთან დაკავშირებულ საკითხებზე გამოიყენეთ კონტაქტის გვერდი.

ეს პოლიტიკა ეხება vetman.app-ის საჯარო საიტისა და ვეტმენის ვებაპლიკაციის ვიზიტორებს, ანგარიშის მფლობელებს, რეგისტრაციის მსურველებს, დემოს სტუმრებსა და პირებს, რომლებიც გვიკავშირდებიან.

2. ჩვენი როლი

ჩვენ ვართ დამუშავებისთვის პასუხისმგებელი პირი, როცა ვამუშავებთ საიტის ვიზიტორის, ანგარიშის მფლობელის, რეგისტრაციის მსურველის, დემოს სტუმრისა და ჩვენთან მომწერის მონაცემებს.

ორგანიზაციის კლიენტებისა და მათი ცხოველების ჩანაწერებზე პასუხისმგებელი პირი შესაბამისი ორგანიზაციაა. ამ შემთხვევაში ვეტმენი არის დამუშავებაზე უფლებამოსილი პირი და მონაცემს მხოლოდ ორგანიზაციის დავალებით ამუშავებს. თუ ორგანიზაციის კლიენტი ხართ, პირველ რიგში მას მიმართეთ.

3. რა მონაცემს ვამუშავებთ, რატომ და რა საფუძვლით

საჯარო ცნობარის (vetman.app/refs) დასაცავად ავტომატური მასობრივი კოპირებისგან ვინახავთ ავტომატური წვდომის მცდელობის IP მისამართს, დროს, ბრაუზერის აღწერას და გახსნილ მისამართს, ასევე თითო IP მისამართზე გახსნილი გვერდების მთვლელს. ამას ვაკეთებთ ჩვენი კანონიერი ინტერესით (სერვისის უსაფრთხოება), ვინახავთ არაუმეტეს 6 თვისა და მესამე პირს არ გადავცემთ, გარდა Cloudflare-ისა, რომელიც ქვე-დამმუშავებელთა სიაშია.

ვეტერინარული კლინიკების საჯარო ცნობარი (vetman.app/ka/clinics). ცნობარში ვაქვეყნებთ ვეტერინარული კლინიკებისა და სერვისების საქმიან მონაცემებს: დასახელებას, მისამართს, ტელეფონს, ელფოსტას, ვებგვერდსა და სოციალურ გვერდებს, სამუშაო საათებს, მომსახურებებს და, სადაც კლინიკა ასე არის რეგისტრირებული ან თავად ასე წარდგება, ვეტერინარის ან ინდივიდუალური მეწარმის სახელსა და გვარს. ვაქვეყნებთ მხოლოდ იმას, რაც საჯაროდ არის მითითებული სურსათის ეროვნული სააგენტოს რეესტრში ან თავად კლინიკის მიერ (მის ვებგვერდზე, სოციალურ გვერდზე ან Google Maps-ის ჩანაწერში); თითოეულ პროფილზე ჩანს წყაროები და მათი შემოწმების თარიღი. მიზანია, ცხოველის პატრონებმა და ვეტერინარებმა მოქმედი ვეტერინარული მომსახურება იპოვონ; საფუძველია ლეგიტიმური ინტერესი. ვეტმენი კლინიკებს არ აფასებს და ცნობარში ყოფნა რეკომენდაციას არ ნიშნავს. მონაცემის შესწორება, წაშლა ან მის დამუშავებაზე უარი შეგიძლიათ მოითხოვოთ მისამართზე [email protected] ან პროფილის ბმულით „შეასწორეთ მონაცემები ან მოითხოვეთ წაშლა". ჩანაწერს ვინახავთ, სანამ კლინიკა მოქმედებს და მისი მონაცემი საჯაროდ არის მითითებული.

ცნობარის ფორმიდან მიღებულ საკონტაქტო მონაცემებს ვიყენებთ მხოლოდ მოთხოვნაზე პასუხისთვის. სიახლეებს ვუგზავნით მხოლოდ მას, ვინც ამისთვის ცალკე ველი მონიშნა.

ჩვენ, როგორც პასუხისმგებელი პირი, მიზანმიმართულად არ ვითხოვთ ადამიანის განსაკუთრებული კატეგორიის მონაცემს და ადამიანის შესახებ მხოლოდ ავტომატურ დამუშავებაზე დაფუძნებულ გადაწყვეტილებას არ ვიღებთ.

Google-ის access token გამოიყენება მხოლოდ ავტორიზაციის პასუხის მისაღებად. ვეტმენი მას ან refresh token-ს არ ინახავს. Facebook-ით შესვლა ამჟამად გამორთულია და ამ გზით Meta-სთან მონაცემი არ იგზავნება.

4. ქუქი და ანალიტიკა

ვებაპლიკაცია იყენებს აუცილებელ სესიის ქუქის; მასში მესამე მხარის ანალიტიკური ტრეკერი არ არის. საჯარო საიტზეც და აპლიკაციაშიც Cloudflare-მა შეიძლება დააყენოს მკაცრად აუცილებელი უსაფრთხოების ქუქი. საჯარო vetman.app Google Analytics 4-ს ტვირთავს მხოლოდ მას შემდეგ, რაც ვიზიტორი თანხმობის ბანერზე „ვეთანხმები"-ს დააჭერს. ტელეფონზე აპად დაყენებული ცნობარი (vetman.app/refs) დღეში მაქსიმუმ ერთხელ აგზავნის ანონიმურ სიგნალს, რომ გაიხსნა, მხოლოდ ენითა და პლატფორმით (Android, iPhone ან სხვა), Android-ზე კი სიგნალს დაყენების შესახებაც; ბოლო სიგნალის თარიღს ბრაუზერის ლოკალურ მეხსიერებაში (local storage) ინახავს. ჩვენ ვინახავთ მხოლოდ დღიურ ჯამებს: პერსონალურ მონაცემს, IP მისამართს ან იდენტიფიკატორს არა. გამოყენებული ქუქი, ვადა და ბრაუზერით შეზღუდვის გზები აღწერილია ქუქი-ფაილების შეტყობინებაში.

5. ვის გადაეცემა

• DigitalOcean-ის ინფრასტრუქტურას ფრანკფურტის რეგიონში — აპლიკაციის ჰოსტინგისთვის;
• Cloudflare-ს — ვებსაიტისა და აპლიკაციის ტრაფიკის უსაფრთხო გატარებისთვის, HTTPS-ისთვის და შეტევებისგან დაცვისთვის. თქვენი ბრაუზერიდან გაგზავნილი ყველა მოთხოვნა ჯერ Cloudflare-ის ქსელში გადის;
• Cloudflare R2-ს ევროკავშირში — ბაზისა და ფაილების სარეზერვო ასლის სერვერის გარეთ შესანახად. ასლი ატვირთვამდე ჩვენს სერვერზე იშიფრება და Cloudflare-ს მისი წაკითხვა არ შეუძლია;
• ჩვენს საფოსტო ინფრასტრუქტურას — სისტემური და მხარდაჭერის წერილებისთვის;
• Google-ს — საჯარო საიტის ანალიტიკისთვის და, მომხმარებლის არჩევით, Google-ით შესვლისთვის;
• სახელმწიფო ორგანოს ან სხვა პირს — როცა ამას კანონი გვავალდებულებს ან სამართლებრივი მოთხოვნის დაცვა მოითხოვს.

SMS-ის მიმწოდებელს, uBill-ს, მონაცემი მხოლოდ მას შემდეგ გადაეცემა, რაც ორგანიზაცია SMS ფუნქციას რეალურად ჩართავს. მონაცემს არ ვყიდით და მესამე პირს საკუთარი რეკლამისთვის არ გადავცემთ.

6. საზღვარგარეთ დამუშავება

ჰოსტინგის, Cloudflare-ისა და Google-ის მომსახურების გამო მონაცემი შეიძლება დამუშავდეს საქართველოს ფარგლებს გარეთ, მათ შორის გერმანიაში და აშშ-ში. დაშიფრული სარეზერვო ასლი ინახება ევროკავშირში. ვიყენებთ მოქმედი კანონითა და შესაბამისი მომსახურების პირობებით გათვალისწინებულ დაცვის ზომებს.

7. რამდენ ხანს ვინახავთ

მონაცემს ვინახავთ მხოლოდ მიზნის, ანგარიშის ან ხელშეკრულების მოქმედების, უსაფრთხოებისა და სამართლებრივი მოთხოვნისთვის საჭირო ხნით.

• ანგარიში და დაკავშირებული Google იდენტობის ჩანაწერი ინახება ანგარიშის მოქმედებისას და დადასტურებული მოთხოვნის შემდეგ წაიშლება ან გაიმიჯნება, კანონით სავალდებულო ნაწილის გარდა;
• Google-ის access token და refresh token არ ინახება;
• შესვლის წარუმატებელი მცდელობის IP ჩანაწერი ავტომატურად იშლება ერთი დღის შემდეგ;
• სესია სრულდება 8 საათის უმოქმედობისას და ნებისმიერ შემთხვევაში 24 საათში;
• უსაფრთხოების, აუდიტისა და მიმოწერის ჩანაწერები ინახება ოპერაციული, უსაფრთხოებისა და სამართლებრივი საჭიროების შესაბამისი პერიოდით;
• ბუღალტრული ჩანაწერები ინახება კანონით მოთხოვნილი ვადით;
• ცნობარის ფორმიდან მიღებული მოთხოვნა ინახება მის დასრულებამდე და იშლება დასრულებიდან ან უარიდან 3 წელიწადში, რომ საჭიროების შემთხვევაში ვაჩვენოთ, როდის შეგვატყობინეს შეცდომა და როდის გავასწორეთ;
• სიახლეებზე თანხმობის ჩანაწერი (ელფოსტა, სახელი, თანხმობის დრო) ინახება, სანამ სიახლეებს არ გამოიწერთ, და გამოწერიდან კიდევ 3 წელიწადს, თანხმობის დასამტკიცებლად;
• ცნობარის დაცვის ჩანაწერები (IP მისამართი, დრო, ბრაუზერის აღწერა, გახსნილი მისამართი) ავტომატურად იშლება არაუგვიანეს 6 თვისა;
• დაცულ ბექაფში, მათ შორის სერვერის გარეთ შენახულ დაშიფრულ ასლში, მონაცემი შეიძლება დარჩეს ბექაფის ციკლის დასრულებამდე და გამოიყენება მხოლოდ აღდგენისთვის.

8. თქვენი უფლებები

მოქმედი კანონით შეგიძლიათ მოითხოვოთ ინფორმაცია, მონაცემის ასლი, შესწორება, განახლება, დამუშავების შეზღუდვა, დაბლოკვა, წაშლა ან განადგურება, თანხმობის გაუქმება და საჩივრის წარდგენა.

მოთხოვნა გამოგზავნეთ კონტაქტის გვერდიდან და ფორმაში მიუთითეთ ანგარიშთან დაკავშირებული ელფოსტა. შეიძლება მოგთხოვოთ ვინაობის დამატებითი დადასტურება, მაგრამ პაროლს არასდროს მოგთხოვთ. წაშლის ინსტრუქცია ცალკე გვერდზეა. მოთხოვნას კანონით დადგენილ ვადაში ვუპასუხებთ.

ორგანიზაციის კლიენტის ან ცხოველის ჩანაწერზე გადაწყვეტილებას შესაბამისი ორგანიზაცია იღებს. თუ პასუხი არ დაგაკმაყოფილებთ, შეგიძლიათ მიმართოთ საქართველოს სახელმწიფო აუდიტის სამსახურს ან სხვა კომპეტენტურ ორგანოს.

9. უსაფრთხოება

ვიყენებთ როლებზე დაფუძნებულ წვდომას, ორგანიზაციების გამიჯვნას, HTTPS-ს, დაცულ სესიის ქუქის, პაროლის ჰეშირებას, შესვლის შეზღუდვებს, აუდიტის ჟურნალს და კონფიგურაციის საიდუმლოებების დაშიფვრას. ატვირთული ფაილი გაიცემა მხოლოდ შესვლისა და შესაბამის ორგანიზაციაზე წვდომის შემოწმების შემდეგ.

არც ერთი სისტემა არ არის აბსოლუტურად დაცული. ინციდენტზე ვიმოქმედებთ მოქმედი კანონისა და ინციდენტზე რეაგირების პროცედურის შესაბამისად.

10. ცვლილება

ახალ ვერსიას გამოვაქვეყნებთ ნომრითა და ძალაში შესვლის თარიღით; ძველი ვერსიები არქივში დარჩება. არსებითი ცვლილების შესახებ ანგარიშის მფლობელს შესაბამისი არხით შევატყობინებთ.